சமையல்

இனிப்பு சோளம் – முட்டை சூப்

சோளத்தில் அதிகளவு சத்துக்கள் நிறைந்துள்ளது. இன்று இனிப்பு சோளம், முட்டை சேர்த்து சத்தான சுவையான சூப் செய்வது எப்படி என்று பார்க்கலாம்.

தேவையான பொருட்கள் :

இனிப்பு சோளம் – 1 கப்
வெஜிடபிள் ஸ்டாக் (காய்கறி வேகவைத்த தண்ணீர்) – 1 லிட்டர்
வெண்ணெய் – 1 மேசைக்கரண்டி
பால் – 1 கோப்பை
முட்டை – 1
அஜினோ மோட்டோ – 1/2 தேக்கரண்டி
மிளகுத்தூள் – 1 தேக்கரண்டி
சோள மாவு – 1 மேசைக்கரண்டி
உப்பு – தேவையான அளவு

செய்முறை :

இனிப்பு சோளத்தை வேகவைத்து கொள்ளவும்.

சோள மாவை சிறிது தண்ணீர் சேர்த்து கரைத்து கொள்ளவும்.

கடாயை அடுப்பில் வைத்து வெண்ணெய் ஊற்றி சூடானதும் பால், வேக வைத்த சோளம், வெஜிடபிள் ஸ்டாக்கையும் (காய்கறி வேகவைத்த தண்ணீர்) சேர்க்கவும். உப்பு, மிளகுத்தூள் சேர்க்கவும்.

சூப் இரண்டு கொதி வந்தவுடன் முட்டையை உடைத்து மெதுவாக விடவும்.

சூப்பை சுமார் 10 நிமிடம்வரை மிதமான தீயில் கொதிக்க விடவும். அஜினோ மோட்டொவைச் சேர்க்கவும்.

சூப்பை வடிகட்டாமல் சூடாகப் பரிமாறவும்.

சூப்பரான சத்தான இனிப்பு சோளம் – முட்டை சூப் ரெடி.

Comment here