விளையாட்டு

உலக கோப்பை கிரிக்கெட் போட்டிக்கான ஆப்கானிஸ்தான் அணி அறிவிப்பு

Rate this post

காபுல்,

12-வது உலக கோப்பை (50 ஓவர்) கிரிக்கெட் போட்டி இங்கிலாந்தில் மே 30-ந் தேதி முதல் ஜூலை 14-ந் தேதி வரை நடக்கிறது. 10 அணிகள் பங்கேற்கும் இந்த போட்டிக்கான அணிகளை அறிவிக்க இன்று கடைசி நாளாகும். இந்த நிலையில் ஆப்கானிஸ்தான் அணி நேற்று அறிவிக்கப்பட்டது. இந்த மாத தொடக்கத்தில் கேப்டன் பொறுப்பில் இருந்து நீக்கப்பட்ட ஆஸ்கர் ஆப்கன் அணியில் இடம் பிடித்துள்ளார். வேகப்பந்து வீச்சாளர் ஹமித் ஹஸ்சன் ஆச்சரியம் அளிக்கும் வகையில் அணியில் சேர்க்கப்பட்டுள்ளார். உடல் தகுதி இல்லாததால் 2016-ம் ஆண்டுக்கு பிறகு அணியில் இடம் பெறாத அவருக்கு மீண்டும் இடம் கிடைத்து இருக்கிறது. உலக கோப்பை போட்டிக்கான 15 பேர் கொண்ட ஆப்கானிஸ்தான் கிரிக்கெட் அணி வருமாறு:-

குல்படின் நைப் (கேப்டன்), முகமது ஷாசாத் (விக்கெட் கீப்பர்), நூர் அலி ஜட்ரன், ஹஸ்ரத்துல்லா ஜசாய், ரஹ்மத் ஷா, ஆஸ்கர் ஆப்கன், ஹஸ்மத்துல்லா ஷகிதி, நஜிபுல்லா ஜட்ரன், சமியுல்லா ஷின்வாரி, முகமது நபி, ரஷித் கான், தல்வாத் ஜட்ரன், அப்தாப் ஆலம், ஹமித் ஹசன், முஜீப் ரகுமான்.

Comment here