Sliderஇந்தியா

நெய்வேலி – என்.எல்.சி ஒரு பார்வை

Rate this post

நெய்வேலி கிராமத்தில் 1935 ல் ஜம்புலிங்க முதலியார் நிலத்தில் ஆழ்துளை கிணறு தோண்டும் பொழுது கிணற்றிலிருந்து கருமையான பொருள் வெளிப்பட்டது.அதை அரசுக்கு அனுப்பி வைத்தார். அரசு நெய்வேலியை சுற்றிலும் உள்ள இடங்களில் ஆய்வு செய்து நிலத்தடியில் ஏராளமான நிலக்கரி படிவங்கள் இருப்பதை உறுதி செய்தது.
மத்திய அரசு 1956 ல் நிலக்கரியைத் தோண்டி எடுத்து மின்சாரம் தயாரிக்க என்.எல்.சி நிறுவன அமைப்பை ஏற்படுத்தியது

நிலக்கரி வெட்டி எடுக்கவும் என்.எல்.சி நிறுவனத்தில் பணியாற்றும் தொழிலாளர்களுக்கு குடியிருப்புகள் கட்டவும் அலுவலகங்கள் கட்டவும் கீழ்க்கண்ட கிராமங்கள் வெளியேற்றப்பட்டன. 1.வெள்ளையங்குப்பம் 2.பெருமாத்தூர் 3.வேலுடையான் பட்டு 4.கூரைபேட்டை(தாடிக்காரன் கூரைப்பேட்டை, வேதக்காரன் கூரைப்பேட்டை) 5.வெண்ணெய்குழி 6.தாண்டவங்குப்பம் 7.நெய்வேலி 8.கெங்கைகொண்டான் 9.பாப்பனம்பட்டு 10.வேப்பங்குறிச்சி 11.தெற்கு வெள்ளூர் 12.வடக்கு வெள்ளூர் 13.மூலக்குப்பம் 14.காரக்குப்பம் 15.ஆதண்டார்கொல்லை 16.மந்தாரக்குப்பம் 17.சாணாரப்பேட்டை 18.அத்திபட்டு 19.வினை சமுட்டிக்குப்பம் 20.தெற்கு மேலூர் 21.இளவரசன் பட்டு 22.விளாங்குளம் 23.நொடுத்தாங்குப்பம்
வெளியேற்றப்பட்ட கிராம மக்களுக்கு விருத்தாசலத்திற்கு வடக்கில் உள்ள விஜயமா நகரம் மற்றும் கிழக்கே உள்ள புதுக்கூரைப்பேட்டை கிராமத்தில் மனைகள் வழங்கப்பட்டன.

1/12/1957ல் புதுக்கூரைப்பேட்டை கிராமம் அப்போதைய சென்னை முதலமைச்சர் திரு காமராசர் அவர்களால் திறந்து வைக்கப்பட்டது.

புதுக்கூரைப்பேட்டை மற்றும் விஜயமானகர கிராம மக்கள் NLCயால் தாங்கள் இழந்த வாழ்வாதரத்தை மீட்டெடுக்க 50 வருடங்களுக்கு மேல் ஆனது.
குடிநீர், தெரு சாலை வசதி, மின் விளக்கு, பள்ளி, வேலைவாய்ப்பு ஏதுமின்றி மக்கள் பட்ட துயரங்கள் என்னற்றவை.

61வருடம் ஆகியும் இந்த கிராம மக்களுக்கு வழங்கப்பட்ட நிலத்திற்கு இன்னும் அரசு நிலப் பட்டா வழங்கவில்லை. எத்தனையோ முறையீடுகள் எத்தனையோ போராட்டங்கள் பயனில்லை. NLC நிர்வாகம் இந்த ஊருக்கு செய்ய வேண்டிய அத்தியாவசிய கட்டமைப்புகளான குடிநீர், தெரு சாலை, மின் விளக்கு, பள்ளி கட்டிடம் , கோவில் போண்ற எந்த ஒரு மேம்பாட்டிற்கும் நிதி ஒதுக்காமல் மக்களை ஏமாற்றி வருகிறது.

எத்தனையோ கிராமங்கள் NLCயில் வெட்டி எடுக்கப்பட்ட மண்ணால் மூடப்பட்டு மண்மேட்டிற்கு அடியிலும், வெட்டப்பட்ட சுறங்க குழியிலும் புதைந்து விட்டன.
அங்கு வாழ்ந்த மக்கள் அவரவர் தொழிலுக்கு ஏற்ப வசதிக்கேற்ப மற்ற ஊர்களுக்கு இடம் பெயர்ந்தனர். சொந்த நாட்டிலேயே மக்கள் நாடோடிகளாகவும் அகதிகலாகவும் ஆக்கப்பட்டனர்.

இந்த சூழ்நிலையில் மத்திய மாநில அரசு NLC நிர்வாகம் இன்னும் என்னற்ற கிராம மக்களை அகதிகளாக்க துடிக்கிறது…

இவன்
NLCக்கு பல ஏக்கர் நிலம் கொடுத்து பாதிக்கப்பட்ட கூரைபேட்டை(தாடிக்காரன் கூரைப்பேட்டை, வேதக்காரன் கூரைப்பேட்டை) கிராமத்தை சர்ந்த தாடிக்காரன்

Comment here