Game

ஒலிம்பிக் ஹாக்கி: ஸ்ரீஜேஷ் அபாரம்; மீண்டும் கடைசி 15 நிமிட நெருக்கடியை மீறி இந்தியா அபார வெற்றி

5/5 - (1 vote)

                    ஒலிம்பிஒக் ஆடவர் ஹாக்கியில் அர்ஜென்டினா அணியை 2-1 என்ற கோல் கணக்கில் வீழ்த்தி இந்தியா அபார வெற்றி பெற்றது.

2009-க்குப் பிறகு அர்ஜென்டின அணியை இந்தியா வீழ்த்தியது குறிப்பிடத்தக்கது. ஒலிம்பிக் ஆடவர் ஹாக்கியில் அர்ஜென்டினா அணியை 2-1 என்ற கோல் கணக்கில் வீழ்த்தி இந்தியா அபார வெற்றி பெற்றது.

மீண்டும் கடைசி 15 நிமிட நேர ஆட்டத்தில் அர்ஜென்டினா முற்றிலும் வேறு ஒரு அணியாக திரண்டெழுந்து கடும் நெருக்கடி கொடுத்தது முதல் 3 கால் மணி நேர ஆட்டத்தில் ஒரு பெனால்டி கார்னர் வாய்ப்பை கூட வழங்காத இந்திய அணி கடைசி 15 நிமிட ஆட்ட நெருக்கடியில் முதல் பெனால்டி கார்னர் வாய்ப்பை அர்ஜெண்டினாவுக்கு வழங்கியது, அதில்தான் முதல் கோலை அடித்தது அந்த அணி. இதே கால் மணி நேர ஆட்டத்தில் மேலும் 4 பெனால்டி கார்னர் வாய்ப்புகளை அர்ஜென்டினா பெற்றது, ஆனால் உலகின் தலைசிறந்த கோல் கீப்பர் ஸ்ரீஜேஷ் வடிவில் நம்மிடையே இருப்பதால் தப்பித்தோம்.

தொடர்ந்து வரிசையான நெருக்கடி ஆட்டத்தில் பந்து இந்திய அணியினரின் ஸ்டிக் வாசனையின்றி அர்ஜென்டினா தரப்பிலேயே இருந்ததால் தொடர்ச்சியாக பெனால்டி கார்னர்கள் வந்தன. இதில் ஒன்றை மேல் நடுவரிடம் முறையீடு செய்து முறியடித்தது இந்திய அணி, ஆனால் மீண்டும் உடனேயே பெனால்டி கார்னர் வாய்ப்பு வந்தது, காரணம் நிகின் திம்மையா காலில் அர்ஜென்டினா அடித்தது இம்முறை ஸ்ரீஜேஷ் அற்புதமாகத் தடுத்தார், கையில் தட்டி விட்ட பந்து எகிற அதனை குச்சியால் புல்டாஸில் அடிக்க மீண்டும் பெனால்டி கார்னர், இம்முறை இந்திய தடுப்பாட்டக் காரர்கள் கோல் அடிக்கவிடாமல் செய்தனர்.

முதல் கோலை அர்ஜென் டினா அடித்த பிறகு டி-யிலிருந்து அர்ஜென் டினா அடித்த அபாரமான சக்தி வாய்ந்த ஷாட்டை ஸ்ரீஜேஷ் அற்புதமாக தட்டி விட்டார், இன்னொரு ஷாட்டை அவ்வளவு நெரிசலிலும் ஸ்ரீஜேஷ் காலால் தடுத்தார், மொத்தத்தில் கடைசியில் இந்திய அணிக்கு என்ன ஆகிறது என்றே தெரியவில்லை. கடும் நெருக்கடிக்குள்ளாகின்றனர், அதையும் மீறி இன்று வெற்றி பெற்று 6 புள்ளிகளை பெற்றனர்.

கடைசி 15 நிமிடத்தில் இந்திய அணிக்கும் 2 கோல் வாய்ப்புகள் கிடைத்தன, ஆகாஷ்தீப் சிங் அருமையாக மின்னல் போல் கடைசியில் ஆடினார், ஆனால் 3-வது கோல் வரவில்லை. எதிர்த்தாக்குதல் ஒன்றே சிறந்த தடுப்பு என்பதை உணர வேண்டும். 2 கோல்கள் அடித்து விட்டோம் போதும் என்று நினைத்து முழுதும் தடுப்பில் இறங்குவது தவறுகளுக்கு வழிவகுக்கிறது.

ஆட்டம் தொடங்கியது முதல் 3 கால் மணி நேர ஆட்டத்தில் இந்தியாதான் ஆதிக்கம் செலுத்தியது, ஒரு பெனால்டி வாய்ப்பு கூட அர்ஜெண்டினாவுக்கு கிடைக்கவில்லை, வலுவான தடுப்பாட்டத்தை வெளிப்படுத்தினர். 3-வது கால் மணி நேர ஆட்ட முடிவில் ஸ்ரீஜேஷ்தான் மீண்டும் காப்பாற்றினார், இந்திய கோல் அருகே அர்ஜென்டின வீரர்கள் குவிய கோலுக்கான 2-3 முயற்சிகளை ஸ்ரீஜேஷ் தடுத்தார், பந்தை கோழிக்குஞ்சு போல் அமுக்கினார். இது அர்ஜென்டினாவுக்கு ஒரு நெருக்கமான வாய்ப்பாக அமைந்தது.

முன்னதாக ஆட்டம் தொடங்கி 8-வது நிமிடத்தில் இந்தியா நெருக்கடி கொடுக்க பெனால்டி வாய்ப்பு கிடைத்தது, ஆனால் அர்ஜெண்டினா அதனை கிளியர் செய்தது. ஆனால் கோல் கீப்பர் விவால்டி, ருபீந்தர் பந்தை தடுக்கும் போது இன்னொரு பெனால்டி கார்னர் விளைந்தது. இந்த வாய்ப்பில் சிங்ளிசனா சிங் முதல் கோலை அபாரமாக அடித்தார். ரியோவில் இந்தியாவின் 4 கோல்களும் பெனால்டி மூலமே வந்தது. பீல்ட் கோல் கிடைக்குமா என்ற ஆவல் பெருக,

35-வது நிமிடத்தில் ரமந்தீப் டி-வட்டத்துக்குள் பந்தை விறுவிறுவென எடுத்துச் செல்ல அர்ஜெண்டின தடுப்பு சரியாக அமையாமல் பந்து கோதாஜித் சிங்கிடம் வர அருமையான ஒரு அடியில் கோலாக மாற்றினார், இந்தியா அடிக்கும் முதல் பீல்டி கோல் இது. 2-0 என்று இந்தியா முன்னிலை பெற்றது.

கடைசியில் ஆகாஷ்தீப் சிங், எஸ்.வி.சுனில், ரமந்தீப் சிங் சில முயற்சிகளை செய்தும் 3-வது கோல் கிடைக்கவில்லை, ஆனால் கடைசி 15 நிமிட நேர ஆட்டத்தில் இந்தியா தப்பிப் பிழைத்தது ஸ்ரீஜேஷின் அசாத்திய கோல்கீப்பிங்கினால் என்றால் மிகையாகாது.

Comment here