World

சமையலறைக்குள் தஞ்சமடைந்த கணவன்கள்

Rate this post

வருங்காலத்தில் யாரும் நம்ப மாட்டார்கள்

காய்கறி சந்தைகளாய்
மாறிப்போன
பேருந்து நிலையங்கள்

நடமாடும் மருத்துவமனைகளாக
மாறிப்போன
ரயில் பெட்டிகள்

கதவடைக்கப்பட்ட
வழிப்பாட்டு
தலங்கள்

காக்கும் கடவுளர்களாக
உருவகம் கொண்ட
மருத்துவ பணியாளர்கள்

தீண்டாமை ஒரு
புண்ணிய செயலென
மாற்றிய நுண்ணுயிரி

இருபது நபர்களுக்கு மிகாமல்
ஆடம்பரங்களின்றி நடந்த திருமணங்கள்

சாலை விபத்துகள் பற்றிய
செய்திகளின்றி
வெளியாகிய செய்தித்தாள்கள்

காட்சிகள் காட்டாமல்
மூடப்பட்டிருந்த
திரையரங்குகள்

சமையலறைக்குள்
தஞ்சமடைந்த கணவன்கள்

சீரியல்கள் தொல்லையின்றி
நல்ல முறையில்
நேரம் செலவழித்த மனைவிகள்

பரபரப்புகளில் ஓடி திரிந்து
நிதானத்தை
பழகி கொண்ட
இன்றைய தலைமுறையினர்

தானாகவே குறைந்து
போன
காற்றின் மாசு

சுதந்திரமாய்
சுற்றி திரிந்த
பறவைகளும் விலங்குகளும்

பழங்கதைகள் பேசி
பல்லாங்குழி ஆடி
குடும்பமாய் மாறிய குடும்பங்கள்

இவற்றோடு
ஆயிரம் கிலோமீட்டர்களை
பசியின் கொடுமையோடு
நடந்தே தாண்டிய
நாடோடி உழைப்பாளிகளின் கால்கள்

எழுதி வையுங்கள்
இல்லையெனில்
வருங்காலத்தில் யாரும் நம்ப மாட்டார்கள்

Comment here