Tamilnadu

பிறந்தநாளில் நண்பர்களுடன் குளிக்கச் சென்ற இளைஞர் தண்ணீரில் மூழ்கி பலி

Rate this post

திருவாரூர் அருகே பிறந்தநாளில் நண்பர்களுடன் குளிக்கச் சென்ற இளைஞர் தண்ணீரில் மூழ்கி பலியான சம்பவம் பெரும் சோகத்தை ஏற்படுத்தியுள்ளது.

திருவாரூர் ரயில்வே காலனியைச் சேர்ந்தவர் ராஜாஜி மகன் பாலச்சந்திரன் (24). பி.எஸ்.சி பட்டதாரியான இவருக்கு இன்று பிறந்தநாள்.

இதையடுத்து தனது நண்பர்களுடன் வேலங்குடி பகுதியில் உள்ள வாளவாய்க்கால் ஆற்றில் கீழக்குமளி சட்ரஸில் குளிக்கச் சென்றுள்ளார்.

தண்ணீரில் மூழ்கி பலி

அங்கு சட்ரஸில் இருந்து தண்ணீரில் குதித்து பாலச்சந்திரன் விளையாடியதாகக் கூறப்படுகிறது. அப்போது ஆற்றில் சுழல் அதிகமாக இருந்ததால், அதில் பாலச்சந்திரன் சிக்கி தண்ணீருக்குள் மூழ்கியுள்ளார்.

இதைப் பார்த்து நண்பர்கள் அவரை மீட்கும் முயற்சியில் ஈடுபட்டனர். ஆனால் முயற்சி பலன் அளிக்கவில்லை. இதையடுத்து போலீஸாருக்கும், தீயணைப்புத் துறையினருக்கும் தகவல் தெரிவிக்கப்பட்டுள்ளது. சம்பவ இடத்திற்கு சென்ற தீயணைப்பு துறை வீரர்கள் தண்ணீரில் மூழ்கிய பாலச்சந்திரனை சடலமாக மீட்டனர்.

போலீசார் விசாரணை

இதுகுறித்து திருவாரூர் தாலுகா போலீசார் வழக்குப்பதிந்து விசாரித்து வருகின்றனர். மீட்கப்பட்ட பாலசந்திரனின் உடலை பிரேதப் பரிசோதனைக்காக திருவாரூர் அரசு மருத்துவக் கல்லூரி மருவத்துவமனைக்கு அனுப்பி வைக்கப்பட்டது.

பிறந்த நாளில் பாலச்சந்திரன் உயிரிழந்த சம்பவம் அவரது பெற்றோர்கள் குடும்பத்தினர் உறவினர்கள் நண்பர்கள் ஆகியோரை பெரும் சோகத்தில் ஆழ்த்தியுள்ளது.

Comment here