India

அனைத்து கடைகளும் மூடப்பட்ட நிலையிலும் விற்பனை விலை அதிகம்!!

Rate this post

சென்னையில் ஆபரணத் தங்கத்தின் விலை இன்று சவரனுக்கு 64 ரூபாய் உயர்ந்துள்ளது. நாடு முழுவதும் கொரோனா பீதியால் ஏப்ரல் 14 வரையில் ஊரடங்கு உத்தரவு பிறப்பிக்கப்பட்டுள்ளது. இக்காலத்தில் அத்தியாவசியப் பொருட்கள் தவிர மற்ற அனைத்து பொருட்களுக்கான விற்பனையும் முடங்கியுள்ளது. இதனால் தங்கத்துக்கான தேவை குறைந்து தொடர்ந்து நான்கு நாட்களாகத் தங்கம் விலை சரிவிலேயே இருந்தது. இந்நிலையில், இன்று மீண்டும் விலையேற்றம் தொடங்கியுள்ளது.

ஆபரணத் தங்கத்தின் விலை!

சென்னையில் இன்று (ஏப்ரல் 3) ஒரு கிராம் (22 கேரட்) ஆபரணத் தங்கத்தின் விலை ரூ.4,173 ஆக உள்ளது. நேற்று 4,165 ரூபாய்க்கு விற்பனை செய்யப்பட்டது. இன்று தங்கத்தின் விலை கிராமுக்கு 8 ரூபாய் உயர்ந்துள்ளது.

அதேபோல, நேற்று 33,320 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் இன்று 64 ரூபாய் உயர்ந்து 33,384 ரூபாய்க்கு விற்பனையாகிறது.

தூய தங்கத்தின் விலை!

ஆபரணத் தங்கத்தைப் போலவே தூய தங்கத்தின் விலையும் இன்று உயர்ந்துள்ளது. 24 கேரட் தூய தங்கத்தின் விலை ஒரு கிராம் 4,371 ரூபாயாக உள்ளது. நேற்று 4,363 ரூபாய்க்கு விற்பனை செய்யப்பட்டது.

8 கிராம் தூய தங்கத்தின் விலை நேற்று 34,904 ரூபாயிலிருந்து இன்று 34,968 ரூபாயாக உயர்த்தப்பட்டுள்ளது. தூய தங்கத்தின் விலையும் 64 ரூபாய் உயர்ந்துள்ளது.

தங்கத்தின் விலை

ஒரு கிராம் ஆபரணத் தங்கத்தின் விலை மும்பையில் ரூ.3,963 ஆகவும், டெல்லியில் ரூ.4,054 ஆகவும், கொல்கத்தாவில் ரூ.4,062 ஆகவும், ஹைதராபாத்தில் ரூ.3,956 ஆகவும், பெங்களூருவில் ரூ.3,861 ஆகவும், பாண்டிச்சேரியில் ரூ.3,960 ஆகவும், ஒசூரில் ரூ.3,956 ஆகவும், கேரளாவில் ரூ.3,786 ஆகவும் இருக்கிறது.

வெள்ளியின் விலை!

வெள்ளி விலையில் இன்றும் எந்த மாற்றமும் செய்யப்படவில்லை. தொடர்ந்து பத்தாவது நாளாக வெள்ளி விலையில் எந்த மாற்றமும் இல்லாமல் இருக்கிறது. ஒரு கிராம் வெள்ளியின் விலை ரூ.41.70 ஆகவே இருக்கிறது. ஒரு கிலோ வெள்ளி 41,700 ரூபாய்க்கு விற்பனை செய்யப்படுகிறது.

Comment here